Lugʻat

Darslikda uchraydigan har bir atama — oddiy tilda, bitta jumlada. Notanish soʻz koʻrsangiz shu yerga qaytib keling; yodlash shart emas.

Kim va nima

Kim bilan ishlayotganingizni bilib olish.

Model: Matnni yozadigan qism. «Miya» deyish mumkin. Opus, Sonnet, Haiku — bularning hammasi turli model, kuchi va narxi boshqa.
Chat: Suhbat oynasi. Siz savol yozasiz, u javob qaytaradi va toʻxtaydi. Javobni nusxalab, kerakli joyga oʻzingiz qoʻyasiz.
Agent: Xuddi shu model, lekin qoʻli bor: fayl ocha oladi, internetdan qidira oladi, natijani saqlay oladi. Unga savol emas, topshiriq berasiz.Chat — maslahatchi. Agent — xodim.
Vositatool: Agentning qoʻli. Qidiruv, fayl ochish, fayl yozish — har biri alohida vosita. Vositasiz agent faqat gapira oladi.
Toʻqishhallucination: Model bilmagan narsani ishonchli ohangda oʻylab topishi. Bu yolgʻon emas — u boʻshliqni toʻldiradi. Shuning uchun raqam, sana va havolani har doim tekshiring.

Natijaning yarmi shu yerda hal boʻladi.

Topshiriqprompt: Modelga yozgan matningiz. Qancha aniq boʻlsa, natija shuncha aniq.
Brief: Toʻliq topshiriq: rol, kontekst, vazifa, format, cheklov va namuna. Oltita qism — oltita qaror.
Namunafew-shot: «Mana shunday boʻlsin» deb koʻrsatgan oʻz matningiz. Oʻnta sifatdoshdan kuchliroq ishlaydi.Kanalingizning yoqqan 3 ta postini qoʻying — ohang shundan olinadi.
Doimiy yoʻriqnomasystem prompt: Har safar avtomatik qoʻshiladigan qoidalar. «Har doim oʻzbekcha yoz, emoji ishlatma» kabi narsalar shu yerda turadi.
Reja rejimiplan mode: Agent ishni boshlashdan oldin nima qilmoqchiligini roʻyxat qilib koʻrsatadi. Siz tasdiqlaguningizcha hech narsaga tegmaydi.Katta ishdan oldin eng arzon xavfsizlik chorasi.

Nega uzun suhbat unutadi va pul qayerga ketadi.

Kontekst oynasiish stoli: Model bir vaqtda koʻra oladigan hamma narsa: savolingiz, biriktirgan faylingiz, shu suhbatdagi oldingi xabarlar. Stolda yoʻq narsa model uchun mavjud emas.
Token: Soʻzning boʻlagi. Matn soʻzlarga emas, shunday boʻlaklarga boʻlinadi va hisob shu boʻlaklar bilan yuritiladi.Oʻzbekcha matn inglizchadan koʻproq token oladi — shuning uchun qimmatroq.
Limit: Belgilangan vaqt ichida qancha ishlata olishingiz. Bu kontekst oynasidan boshqa narsa: biri «bir suhbatga qancha sigʻadi», ikkinchisi «bir kunda qancha mumkin».
Keshprompt caching: Har safar takrorlanadigan qismni qayta-qayta toʻliq toʻlamaslik. Barqaror qismni topshiriqning boshiga qoʻysangiz, keyingi safar u arzonroq oʻqiladi.

Yordamchini oʻzingizga moslash.

Tirishqoqlik darajasieffort: Model bitta javob ustida qancha ishlashini belgilaydi. Past daraja — tez va arzon; yuqori daraja — sekin, qimmat, lekin puxta.
Tez rejimfast mode: Bir xil model, lekin javobni tezroq yozadi. Aqli pasaymaydi, faqat narxi qimmatroq.
Ultracode: Bitta katta ishga bir nechta yordamchini parallel qoʻyish. Keng ish uchun foydali (40 ta postni tekshirish), bitta post uchun ortiqcha.
MCPulagich: Yordamchini tashqi xizmatga ulaydigan umumiy standart. Rozetka kabi: bir marta ulaysiz, keyin u Google Drive yoki Telegram bilan ishlay boshlaydi.
Skillkoʻnikma toʻplami: Takrorlanadigan ish uchun tayyor qoidalar, format va namunalar papkasi. Vazifa mos kelganda yordamchi uni oʻzi ochadi.
Ruxsatpermission: Yordamchi soʻramay nima qila olishi. Oʻqishga bemalol ruxsat bering; yozishni tasdiq bilan qoldiring; oʻchirish va joʻnatishni hech qachon bermang.
Qoidalar fayliCLAUDE.md: Oddiy matn fayl. Ichiga jamoangiz qoidalarini bir marta yozib qoʻyasiz, yordamchi uni har seans boshida oʻqiydi.
Buyruq oynasiterminal: Qora ekran, unga buyruq yozib ishlatiladi. Dasturchilar ishlatadi — sizga shart emas: Claude Code’ning oddiy ilova koʻrinishi ham bor.